فلما ضاقت و استحكمت حلقاتها

بسم الله الفتاح

اتعودت كتير على الوضع دا

يا ما كانت بتقابلنا عقبات ونقف ونواجهها بكل قوة

كنت بكون فى غاية السعادة وانا بسمع صوت من جوايا

بيقول خلاااااااااص فرجت

مبيبقاش همى ساعتها غير انى افتكر اللحظات الصعبة

اللى مرت دى واحاول الاقى الحكمة فى الاختبار دا ايه

ببقى على يقين تام وانا بمر باى ازمة ان الفرج جاى

وتستشعر دا وانت رافع ايدك لربنا وبتقول باعلى صوتك

يا فتااااااااااااح .

مرت التجربة دى عليا كتير قوى

وكان كل مرة بتبقى مختلفة فى الحجم عن المرة اللى قبلها

على الجانب الاخر الفرج بيكون على قدر الابتلاء

خلونى اديلكم مثال

كنت مرة مسافر فى معرض وحصل ظروف كتير قوى

ادت الى ان مفيش حد من اصحابى هيطلع معايا

احنا اساسا كنا بنروح السفريات دى علشان نبقى مع بعض

المهم انا استخرت ربنا وطلعت المعرض وكنت متضايق جدا

مقولكوش بقى على كم المشاكل اللى قابلتنى هناك

ومع كل مشكلة كانت بتزداد الامور تعقيدا

ماهو مفيش بقى حد معاك والعملية بايظة خالص

كانو تقريبا كدا من اسوأ خمس ايام فى حياتى

اللهم انى مكنتش عاوز افتكرهم

تخيلوا بعد كدا ان الايام دى بقت من اهم الايام فى حياتى تأثيرا

بعد المعرض دا وبفضل ربنا

اتيحت ليا فرص كتير قوى مكنتش احلم بيها

منها انى سافرت تونس

اللى قضيت فيها فعلا ايام من اجمل ايام انا عشتها

حسيت ساعتها قد ايه ان الاختبار كان صعب

وكان المقابل لكدا هو الفتح اللى بعده

مرة تانية

كان عندى شغل كتير قوى فى اسبوعين ورا بعض

وبلا مبالغة

كل حاجة فى الشغل من اصغر حاجة لاصغر حاجة كانت بايظة

انا اياميها والله كنت هتجنن

ليه المرادى كدا وبالصعوبة دى

مع انى معملتش حاجة غلط وكنا بنعمل عمل خير

فاجاة تلاقى كل الناس ضدك

واللى معاك ومسنود عليهم باعوك

والظروف مش سايباك فى حالك

حتى الحكومة بتعاند معاك

وكنت فى غاية الشغف والانتظار لما سيحدث

بعد هذه المحنه الشديدة

بفضل ربنا

يوم الخميس اللى فى اخر الاسبوعين بتوع الشغل

بقى افضل يوم فى حياتى

فى اليوم دا سمعت احلى خبر ممكن اسمعه فى الدنيا

كمان فى اليوم دا كسبت مجموعه جديدة

من الناس ربنا بجد بعتهملى هدية ليا فى الدنيا

اسأل الله ان يجمعنا فى الجنة

طيب

انا بقى بكتب الموضوع دا ليه

علشان المرادى العملية طولت

قوى قوى قوى قوى قوى قوى

والحمد لله

لدرجة ان كل حاجة عادية مبقتش عادية

كل حاجة كانت بتدفعك للامام

بقت بتسحبك للخلف

حالة شلل للتفكير

عارف لما توصل لمرحلة

انك بتكتب

1+1

وتيجى تضغط يساوى

متطلعش

2

وتطلع اى حاجة تانية

لنفس الدرجة انا وصلت دلوقتى

كل حاجة حواليا بقت كدا

وانا فى حالة من الذهول الشديد

اللهم لك الحمد على كل حال

الموضوع بدأ واحده واحده

شوية الشغل

شوية البيت

شوية الاصدقاء

شوية الصحه

شوية الماديات

ومازال الموضوع يتزايد

لدرجة انى لم اعد اتخيل

يا ترى يا ربنا

ايه حجم الفرج اللى جاى دا

يا ترى هيبقى اييه؟!

يا ترى؟!

استنونى فى الموضوع الجديد

" فرجت وكنت اظنها تفرج بإذن الله "

ويا رب تفتكروا تدعولى

azayem

شعاع النور

بسم الله الفتاح

اللهم لك الحمد

كما ينبغى لجلال وجهك وعظيم سلطانك

بداية كل سنة وانتم طيبين

عاوز اطمنكم على صاحبنا " انا"

احنا اخر مرة كنا معاه

وهو بيدور على جوهرته

اللى ضاعت منه

المفاجآه بقى

ان الجوهره مكانتش ضاعت منه ولا حاجة

دا باباه كان مخبيها منه لما عدى عليه

ولاقاه حاطتها بره الصندوق

وحب يعلمه درس عملى

و انا فهم الدرس قوى قوى

والحمد لله جوهرته رجعتله ومحافظ عليها

اكتر من الاول بكتير

استنونى بقى فى موضوع النهارده

"ضاقت فلما استحكمت حلقاتها "

من غير كسوف " انا والجوهره "

من غير كسوف يا انا حالك مش عاجبنى

بسم الله الفتاح

احترت كتير فيا ومش لاقيلى حل

كل ما اقول خلاص انا هبقى كويس

ارجع تانى واغلط نفس الغلطات القديمة

خلاص يا انا مش هفضل طول عمرى اضحك عليك وتضحك عليا

لازم نلاقى حل لينا احنا الاتنين

يا حالك ينصلح يا انت من سكة وانا من سكة تانية ...

خلونى احكيلكم على حاجة تنرفز انا دايما بيعملها وبيشتكى منه اقرب الناس ليه

وبصراحه يا انا انت زودتها خالص

تخيلوا كدا معايا لما بابا بيجيب ل انا لعبة وهو طفل صغير

كان دايما يقوله حافظ يا انا على لعبتك ومتكسرهاش

انا يرد على بابا ويقوله دى فى عنيا يا بابا

لما انا كان ياخد مصروفه ماما دايما تقوله حافظ يا انا على مصروفك

يرد انا ويقول حاضر يا ماما انا محافظ عليه كويس

من صغره انا بدأت تتكون عنده ثقافة الحفظ على اللى يمتلكه

كبر انا وهو معتقد تمام الاعتقاد انه اهم ما يميزه ان هو بيحافظ على اللى يمتلكه او اللى يعز عليه..

لدرجة ان ماما انا وبابا انا كانوا بيتعجبوا جدا ان السنة

بحالها تمر والسنتين وانا لسه محافظ

على الحاجة اللى اشتروهاله

على عكس اخواته اللى غيروا بدل المرة اتنين وتلاته

عارفين دا نابع من ايه...؟

ان علاقة انا باى حاجة بيعزها او بيمتلكها علاقة غير عادية ...

انا دايما كان بيعانى من الوحده الفكرية

فكان بيلاقى نفسه مع حاجاته ...

افتكر مره ان انا كان معاه موبايل

" حاجة شبه الموبايلات كدا "

المهم ان التلفون دا كان سئ جدا وقديم جداااا

يمكن من ايام ما اخترعوا الموبايلات

.. انا اتعرض عليه بدل المرة اتنين

وتلاته انه يجيله موبايل تانى احدث واجدد

بس كان رد انا بالرفض

وكان بيعلق يقول انه نشأت بينه وبين التلفون

علاقة شديدة قوى مش قادر يفرط فيه

وفعلا فضل انا متمسك بالتلفون لمدة خمس سنين تقريبا

لغاية ما التلفون مات بمعنى الكلمة

انا مضطر قعد من غير تلفون حزين على تلفونه لمدة شهر

ولكن لتخطى الظروف اشترى تلفون جديد من غير ما يفرط فى القديم

وفضل محتفظ بيه كا انتيكة فى درجة الخاص..

كبر انا واستمر على هذا الاسلوب

وفى يوم من الايام

ربنا منح انا هدية كبيرة قوى وغالية قوى

جوهره

فكعادة انا اللى احنا عارفينها انه بيحافظ جدا على اللى بيعزه ويمتلكه..

نزل انا واشترى خزنه من الزجاج

الغير قابل للكسر

علشان يعين فيها الجوهره بتاعته وفى نفس الوقت

يفضل شايفها ليل ونهار

كل يوم الصبح انا يبص على الجوهره ويفضل يتأمل فيها

بعد الظهر نفس الكلام

اخر النهار نفس الكلام

بالليل نفس الكلام

كانت الجوهرة بالنسبة ل انا مبعث للتفاؤل والخروج من الازمات

كل ما كان انا يحتاج لدعم نفسى

او رفع روح معنوية كان يجرى بسرعه على الجوهره الغالية

فى مره من المرات فكر انا فى فكره

قال انا نفسى اخرج الجوهره من الخزنه علشان المع الخزنه من جوه

واحط فيها اضاءه ويا سلام لو فرشت الارضيه بحاجة رقيقة ..

كان بيفكر انا دايما ازاى يخلى الجوهرة احسن واحسن

فجأة وهو حاطط الجوهرة على الطربيزة بره وبيظبط الخزنه

زى ما قولنا جاله تلفون

راح انا يرد ع التلفون ونسى يدخل الجوهره تانى

رجع انا ملقاش الجوهره ..

بابا انا قاله كلمه واحده الواضح انك متعلمتش ازاى تحافظ على الحاجات الغالية

شكلك كدا مبتعرفش تحافظ غير ع الحاجات العادية بس

روح يا انا ومترجعش غير ومعاك جوهرتك

خرج انا يدور على جوهرته وهو ندمان اشد الندم

وما زال انا يبحث عن جوهرته

azayem

خلينا نشوفك

بسم الله الفتاح

مدونتى الغالية

اصدقائى الاعزاء

بجد وحشتووووووووووووووووووووونى جدا

اولا انا عاوز اعتذرلكم بشدة عن فترة الانقطاع دى

لكن الحمد لله كانت فرتة كدا وعدت خلاص

اوعدكم انى راجع تانى وبقوة اكتر من الاول ان شاء الله

واستنونى بكره فى اول مقالاتى الجديدة

اللى هتعجبكم ان شاء الله

" من غير كسوف "

azayem

حلوة من غير سكر 1/2

حلوة من غير سكر1/2
تشرق الشمس يولد صباح جديد وتبدا رحلتنا اليومية
نقابل هؤلاء الاشخاص الذين هم مستعدون دائما لاطلاق تلك الطاقة الهائلة من التشاؤم ...
انهم يرفعون الرايات السوداء معلنين بذلك وفاة كل الامال العالقة ... لا تمضى اللحظات حتى نقابل اخوانهم ممن يحملون على عاتقهم رسالة انجاح كل ما هو غير صالح وارساء قواعد الاخلال بالعدل المجتمعى بكل انواعه...
الان
عليك سريعا ان تذهب لتتصفح تلك الجارئد لتشبع رغبتك المكبوتة فى ملئ وعاء الحياة الروتينة لديك..
او اذا كنت ممن لديهم حساسية الجرائد اليومية فعليك ان تبحث سريعا عن حل اخر لاشباع تلك الرغبة المكبوتة
يقترح البعض عليك ان تبحث سريعا على جهاز التحكم الخاص بتلفاز بيتك وما عليك سوا الضغط على اى قناة من قنوات الاخبار
اعدك بكل ثقه
ستحصل على نفس النتيجة بل انها ستكون مطعمه بالصوت والصورة لا تقلق.. لا احد يموت بدون احباط فى هذه البلد
.
اما اذا كنت من هواة المشاهدات العلنية
اذن فانت لست بحاجة لاى تكلفة فى شراء الجرائد او فى فتح التلفاز خاصة بعد ما اصبحت اسعار الكهرباء سببا من اسباب انهيار منظوكة الاقتصاد الشهرى لمنزلك
عليك الان فقط ان ترتدى ملابسك وسريعا انت الان فى الشارع
عليك الان ان تحدد
كيف ومن اين ستبدا البحث
لتشبع تلك الرغبات المدفونه فى ملئ وعاء حياتك الروتينية الكئيبة
يقترح البعض عليك
ان تذهب لاقرب مخبز او مكان لتوزيع الخبز
ويضيف صاحب الفكرة طريقة مبسطة وبعض الدلائل التى ستساعدك للوصول بسهولة الى هناك
...
انها وصفه سهله وسريعه
اذا كنت تسير فى الشارع ووجدت احدا يقابلك تبدوا اثار الدماء الاحمر " ليس اى لون اخر" على وجهه
هذه تعد علامة مميزة
اذا التقطت اذنك تلك الاصوات العالية التى تعتقد انها داخل احد المعارك الصليبية تلك اشضا علامة مميزة
يااااااااااااااااللهول
انهم هنااااااااااااااااااااااااااااااااااااك
حمدا لله على سلامتك
لقد وصلت ارض المعركة
يقول صاحب الفكرة فى كتابة " وعاء الاحباط اليومى فى حياة المصرين " -شوفتوا اسم الكتاب-
انت لست بحاجة لايجاد نية الشراء بداخلك لان هذا الامر قد يتطلب خبرة اعتقد انها ليست لديك الان
عليك ان تكتفى فقط بالمشاهده
فهى كفيلة ان تملئ وعائك وان يفيض ايضا
...........
لا لا لا تسأل نفسك هذا السؤال الاحمق
انه ليس ذهبا
اقسم لك انه خبزا
تؤ تؤ تؤ لا تتعجب الان سترى كيف ان هذه الطفلة الصغيرة ستحصل على ما تريييييييد
ماذا بك
اعلم ان احساسك مرهف ولكن هذا المشهد عادى جدا هنا الان سينقلوها الى بيتها واذا علمت انهم احضروا لها ما تريد من خيز ستفيق وتصبح على ما يرام
امممممممممممممممممممممممم
اعلم انك تقول الان كيف سيأكلونة بعد ما حدث الان
اقول لك لا تقلق
ليس لديهم اى اختيار اخر
سيأكلونة
لااااااااااااااااااااااااااااااااااااااا
بالله عليك
ليس وقت تذكر لمقولة سيدنا عمر الان
ارى ان وعائك قد امتلأ
هيا بنا
يقول صاحب الكتاب " اذا كنت من هؤلاء الناس الذين اعتادوا على تلك المشاهد حيث انها لم تعد تكفى لاشباع رغباتهم المكبوتة فى مئ وعاء الاحباط اليومى عليك سريعا ان تترك ذلك المكان باحثا عن مكان اخر واشير عليك ان تذهب لاقرب موقف لسيارات الاجرة "

تعالى نبعد

يا خلي القلب... يا حبيبى ..يا حبيبى
لو فى قلبك قد قلبى حب ..يا حبيبى
لو بتكوى النار نهارك .. لو بتسهر قدى ليلي.. لو صحيح بتحب...
كنا نحضن حبنا ونبعد بعيد.... عن عيون الدنيااااااااااااااااااااااااا
عن كل العيوووووووون..
لو فى قلبك قد قلبى حب.......
كنا نمشى الف ليلة وليلة .. الف ليلة وليلة....
ليل ونهاااااااااااااااااااار.... ليل ونهاااااااار...
كنا نوصل نجمة ملهاش اى جار...
ولا نسكن لؤلؤة فى ابعد بحااااااااااااار
ياااااااه يااااااااه ياااااااااااه يا حبيبى

فكرت تبعد بعيد ....؟!!!

بسم الله الفتاح
طبعا بعد الفاصل الغنائى اللى سمعتوه دا اكيد دماغكم راحت بعيييييييييييد
من اجمل ما غنى حليم
بس تعالوا معايا نشوف الفكرة اللى عاوزين نتكلم فيها النهارده..
حد فينا جرب قبل كدا يبعد بعيييييييييد عن الدنيا دى ؟
حد فكر انه ياخد معاه اكتر شخص بيحبه فى الدنيا ويروحوا مثلا جزيرة لا يسكنها بشر..؟
حد فكر انه يا خد احلى كتاب بيحبة ويروح مكان بعيد فااااااااااضى ويعيش احلى لحظات مع الكتاب دا..؟
حد فكر انه مرة كدا يطلع بخياله رحلة لغاية الجنة ويرجع تانى ؟
هل فى مرة كنت زهقاااااااااااان قوى وتعبااااااااان قوى ...
وقررت فاجاة انك هتمشى من الدنيا دى.. حالا
هتعمل اقتلاع لنفسك من المكان والزماااااااان
وتساااااااااااااااااافر بعيييييييييييييد
زى ما كان بيقول حليم
انا النهارده عاوز اتكلم عن قدرتك على الفصل..
ازاى تقدر تفصل بين كل ما يحيط بك من متااااااااعب الدنيا
وتبدو انسانا بدون مشاااااااااكل
تعيش مرتاااح الباااااااااااااال
جميل ان الانسان يكون سعيد ومبسوط..
بس الاجمل انه ازاى يكون سعيد ومبسوط..
يعنى مثلا لو بصينا نلاقى ان فكرة الفصل دى لها كذا شكل وكذا طريقة
منها مثلا
اعرف واحد بيطفى النور وبيشغل حاجة بيحب يسمعها ويعييييييييييييييييييش
بعدها بيتحول تماااماااا من الحالة اللى هو فيها لافضل حالاته
اعرف واحد تانى بيجرى على السرير يناااااام
بمجرد ما يصحى ولا اكن فى حاجة حصلت فى الدنيا
اعرف واحد كمان اول لما تحصله حاجة يجرى على اصحابة
بمجرد انه يحس انه معاهم كل حاجة فى الدنيا تهون
اعرف كمان واحد بيجرى على حضن مامته بمجرد انه يحس بالحنان
بتعاها كل هموم الدنيا بتروح وسريعا يرجع تانى
انا مش بقول انه كل المشاكل هتتحل فى ثانية
بس اساسا علشان نقدر نحل المشاكل لازم نخرج من الحالة النفسية اللى سببتها المشكلة بسرعه
مهمتك دلوقتى تدور على السفينة اللى هتاخدك وتروح بيك بعييييييييييد وترجعك بسرعه

Best Friends

عندما يقلل التعبير بالكلمات من مقدار ما تحتوية المعانى..

عندما يعجز قلبك عن تحمل الفرحة..

عندما تنسى كل شئ..

واى شئ..

ضاااااااااااااااااااعت الالام..

ضااااااااااااااااااااااااااعت الازمااااااااات..

اقسم لك لا يحدث هذا الا اذا كنت تمتلك اصدقاء..

انا امتلك اصدقاااااااااااااااء ..

انا امتلك كنز من كنوز الدنيااااااااا..

اسأل الله ان يجمعنا فى فردوس الجنة سويا..

..............................................................

قالوا لنا تعليق التمائم كفر...

وكنت بطبعى اجيد الحفر..

فدفنت تمائم ايامى..

ودفنت تمائم ارقامى..

فدفنت الصفر..

ثم بقيت وااااااااحده..

لا فى عنقى..

لا فى جيبي..

بل فى قلبي..

بقيت واحدة ..

هى انتم..

يا اصدقائى..

احبكم فى الله..